Predición xeral para Galicia

O sábado Galicia manterase na influencia das altas presións, con réxime de ventos do nordés. Así, teremos un día de ceos pouco nubrados ou con nubes altas, con máis nubes no extremo norte. Cara á noite aumentarán as nubes no extremo norte, mesmo con posibilidade de orballos. As temperaturas ascenderán en xeral, agás as máximas na metade norte que quedarán sen cambios ou mesmo con lixeiros descensos. O vento soprará do nordés, comezando con pouca intensidade e rematando o día con intensidade forte no litoral atlántico.